Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.
Aningaasaateqarfiup siunertaraa Kalaallit Nunaanni inuiaqatigiinnut iluaqutaasunik, immikkut inuussutissarsiutinik ingerlatsisunut siuarsarnissaanermik tapersiinissaq.
Aningaasaateqarfiup tapersersorpai suliniutit anginerusut, makkununnga tunngasuusinnaasut:
- Ilisimatusarneq, ilinniartitaanerlu
- Suliffeqarneq
- Suliffeqarfiit inuiaqatigiinneq akisussaaqataanerat peqquserlunnginnissarlu
- Avammut niuerneq
- Attaveqanermi, paasissutissinermilu teknologi
- Silaannaq avatangiisillu
- Uuliamik, aatsitassarsiornermillu suliffissuaqarneq
- Takornariaqarneq
- Nunami inuussutissarsiutit
- Issittumi inuussutissarsiornermi periarfissat nutaat
Inuussutissarsiornermut Aningaasaateqarfiup siulersuisui qaammatit pingasukkaarlugit ataatsimiittarput, qinnuteqaatit takkussuussimasut sammineqartarlutik.
Qinnuteqaat
Allakkatigut Inuussutissarsiornermut Aningaasaateqarfimmut qinnuteqarneq ingerlatinneqassaaq makku ilanngullugit:
Attaveqarnissamut paasissutissiissutit: Ateq aamma kinguliaqut / Firma – GER/CVR normu/Najugaqarfik/E-mail/Oqarasuaatip normua
Pitsaasumik qinnuteqaasiami imarisaassapput pilersaarummik/siunertamik nassuiaatit:
- Qinnuteqartut kikkuuneri
- Suut qinnuteqarnermut tunngaviusut
- Pilersaarutigisamik ilisarititsilluni nassuiaaneq imal. periusissatut siunnerfiit / - pilersaarutit ilisaritillugit nassuiarneri
- Qanoq amerlatigisunik taperneqarnissamik kissaateqarneq
- Tamakkiisumik aningaasalersuinissamut pilersaarutit
- Missingersuusiaq – Pilersaarummut/Aallartinnissamut/Ingerlatsinissamut (piffissap ingerlatsivissap sivisussusissaa)
- Taamaattoqarpat suleqatigisat kikkuuneri
- Allanut qinnuteqarsimaneq/allanit aningaasaliiffigineqarsimaneq
- Tamanna aap-iuppat – Taava taakkit kikkut qanorlu tapiissuteqarumasimasut
- Inuussutissarsiornermut Aningaasaateqarfimmit siusinnerusukkut tapiiffigineqarsimaneq (taamatut pisoqarsimappat)
- Aap-iuppat – Taakkit ukioq pisoqarfiusimasoq aammalu aningaasat qassiusimaneri
Qinnuteqarneq tunuliaqutserumallugu uppernarsaasiineq, soorlu makku ilanngullugit nassiunnerisigut:
- Ingerlatsinissamut pilersaarusiat
- Tamakkiisumik aningaasaliiffigitinnissamut pilersaarusiat
- Missingersuusiat – pisariaqartilluinnakkat aammalu angusaqarnissamik isumalluaatit
- Pilersaarut pillugu avataanit kaammattuutit
Qinnuteqaasiap aaliangersimasumik iluseqarnissaanik piumasaqaateqanngilaq.
Qinnuteqaatit uunga qarasaasiakkut nassiuguk: erhvervsfonden@banken.gl
Imal. allakkatut uunga nassiuguk:
GrønlandsBANKENs Erhvervsfond
Postboks 1033
3900 Nuuk
