GrønlandsBANKEN | Imaneq 33 | Postboks 1033 | 3900 Nuuk | Telefon + 299 70 1234 | Fax +299 34 7706 | banken@banken.gl | SWIFT: GRENGLGX | CVR: 80050410
Maannakkut GrønlandsBANKEN-i Finanstilsynet-mit tikeraartoqarpoq. Nalunaarsusiat uani takukkit Nittartakkamut malittarisassat paasissutissalluatuakkit.
Kalaallit Nunaanni akileraartarnermut inatsimmi pingaarnertut malittarisassaavoq, akileraartussaatitap ukiumi akileraarfiusumi pigisaanut tunngasut tunineqarnerini iluanaarutit annaasaqaatilluunniit tamatumunnga attuumassuteqannginneri, pigisanik akileraartussaatitap inuussutissarsiornerani imaluunniit aningaasannanniuteqarneq siunertaralugu tunisinermi iluanaarutit annaasaqaatillu eqqaassanngikkaanni.
Malittarisassatut pingaarnertut tamatuma nassataraa, pappilissat nalillit inuinnaat tuniniaanermikkut nalingisigut iluanaarutaat akileraarutaasussaannginneri, namminerisamik pisuussutit ingerlaavartumik isumaginerini pissarsiaasimanngippata. Pappilissat nalillit nalinginik annaasaqarneq isertitanit akileraarutaasussanit aammattaaq ilanngaatigineqarsinnaanngillat.
Pappilissanik nalilinnik aningaasaliissuteqarnernut atatillugu erniaatigut isertitat tamarmik akileraarutaasussaatitaapput.
Kalaallit Nunaanni akileraartarneq pillugu malittarisassat pillugit apeqqutissaqaruit aningaaserivimmi siunnersuisunnut saaffiginnissutigisinnaavatit.
Uani aningaasaliisarfinni ataatsimoortuni pissarsiat nunatsinni akileraaruserneqartarnerannut tunngasut uani atuarsinnaavatit. Malugiuk nassuiaat taamaallaat aningaasaliinermut uppernarsaatinut tunngasuummat.
