Paasissutissat GrønlandsBANKENip EDB Centralianit nassiunneqartut qulakkeerniarlugit attaveqaqatigiinneq ”akuersissuteqarpoq”. Akuersissutip takutittarpaa kikkut attaveqarfigineqarnersut ilaatigullu paasissutissanik makkunannga imaqarluni

Akuersissummik tunniussisoq. Tassani atorneqarput Equifax aamma VeriSign, suliffeqarfiit nunarsuaq tamaat tusaamasaasut, akuersissutinik tunniussisarnerit immikkut suliarisarlugit. 
Akuersissut kimut tunniunneqarsimanersoq. Tamatumani Bankernes EDB Central. 
Atorunnaarfissaanut ulloq 
Browserivit programmi Equifax imaluunniit VeriSign-imit akuerineqarsimalluni atsiorsimasoq naammattooruniuk, browserip digitalikkut atsiorneq atorlugu ilisarisinnaavaa ilisarnaat nassiunneqartoq Bankernes EDB Central-imeersuusoq, aqqutaanilu allanngortinneqarsimanngitsoq.

Browdserivit isumannaallisaanikkut iluarsisimanera apeqqutaatillugu suleriaaseq aallartikkaangakku takussutissamik saqqummiiffigineqartassaatit, tassani qulakkeersinnaallugu, programmi Bankernes EDB Centralimeersuusoq. Taamaalereerpat pinngitsoorsinnaavoq nalunaarutip taassuma programmip aallartinnerani saqqummersinneqarnissaa – imaanngilarli isumannaallisaaneq sakkukillineqassasoq. Nalunaarut taamaallaat takuneqarsinnaassanngilaq browserip qularnaarpagu programmi Bankernes EDB Central-imeersuusoq.

Tamatigut misissorsinnaavat akuersissut suminngaanneernersoq. Browserini assigiinngitsuni qanoq iliortoqartarnersoq assigiinngitsuuvoq. Taamaammat browserip ikiorsiisarfia innersuussutigineqassaaq.