Sullitat pillugit GrønlandsBANKENip paasissutissiisarnera

GrønlandsBANKENimi sullinneqaleruit illit pillutit paasissutissanik arlalinnik pissarsissalluta pisussaaffigaarput. Tassaasinnaapput atit, najukkat, CPR-nr/CVR-nr il.il. Paasissutissat tamakku uppernarsaasersussavatit.

Tamakku saniatigut illit pillutit paasissutissanik allanik pisariaqartitsivugut. Paasissutissat tamakku allaffissornermut, akiitsorsinnaanermik naliliinermut, siunnersuisarnermut atatillugut atorfissaqartippavut kiisalu aningaasarsiornikkut sullinneqarnissannut neqerooruteqarnissamut maanna aningaaseriviup pigisaanut, kiisalu kingusinnerusukkut kiffartuussutissanut.

Paasissutissat aningaaserivimmut tunniiunnissai illit nammineq aalajangissavat, tassa atip, najukkat aamma CPR-nr/CVR-nr. saniatigut, paasissutissalli naammattut piginngikkutsigit tamakkiisumik siunnersorsinnaassanngilatsigit, taarsigassarsinissamik apeqquteqaatit pillugit sullissinnaassanngilatsigit imaluunniit sullissinnaassanak.

Paasissutissaatitit GrønlandsBANKENip qaqugukkut ingerlateqqittarpai?

Aningaaseriviup sulisui inatsisit malillugit nipangiussisimasussaatitaapput, tulluanngitsumillu paasissutissaatitit isertugaasut ingerlateqqusaanatik imaluunniit atorneqarlunneqarsinnaanatik. Tamanna suliffeqarfiit aningaasarsiornermik sammisallit pillugit inatsit malillugu atuuppoq.

Paasissutissat pisortani oqartussanut ingerlatinnissaannut GrønlandsBANKEN pisussaatinneqarsinnaavoq, soorlu akileraartarnermi oqartussanut.

Tamakku saniatigut paasissutissat inatsimmit akuerisaappata ingerlateqqittarpagut. Tamanna pisinnaavoq aningaaserivinni allani kontonut aningaasanik nuussinermut atatillugu atit najukkallu pillugit paasissutissat – aamma nunanut allanut.

Taamattaaq kiffartuussat pillugit paasissutissat nalinginnaasut GrønlandsBANKENip ingerlateqqissinnaavai, soorlu ateq, najugaq CPR-nr/CVR-nr aningaaseriviup allaffissornikkut suliassanik isumaginninnermut pisariaqartinneqarpata.

Nunanut allanut nuussinerni amerikamiut oqartussaannit piumasaqaat

Aningaasanik nunanut allanut nuussigaangavit eqqumaffigissavat paasissutissat amerikamiut oqartussaannut ingerlateqqinneqarsinnaammata. SWIFT – akiliinernik isumaginnittartoq – paasissutissanik tamakkuninnga tunniussinissamut piumasaqarfigineqarpoq, pinierlunniarnermik imaluunniit pinerliiniarnermik aningaasalersuisoqarneranik pasitsaassigunik, amerikamiut inatsisaat innersuussutigalugu.

Taamattaaq illit akuersiguit paasissutissat GrønlandsBANKENip ingerlateqqissinnaavai. Akuersinerit tamatigut allanngortissinnaavat imaluunniit tunuartissinnaavat.

GrønlandsBANKENip paasissutissaatai kukkusuuppata

Aningaaseriviup paasissutissaatai eqqortuungnitsut paasineqarpata ingerlannartumik naqqissavagut. Tamatumunnga ilutigitillugu paasissutissat kukkusut allat pissarsiarisimappatigit aningaaseriviup kalerrissavai.