Garantiformuen, siornatigut Aallaqqaasiutinut qularnaveeqqutinut aningaasaateqarfittut ilisimaneqartoq, aaqqiissutaavoq, aningaaseriviit akiliisinnaajunnaarnerini aallaqqaasiuteqartunut kiisalu aningaasaliisunut qulakkeerinnittoq.

Aallaqqaasiuteqartumut ataatsimut aningaaserivimmiititanut EUR 100.000 (750.000 kr.) matussusiissapput kiisalu inuinnarnut aamma inuussutissarfiornermi sullitanut, matuma ataani peqatigiiffinnut aamma ingerlatseqatigiiffinnut atuulluni. Aallaqqaasiutit ilaannut immikkut matussusiineqarpoq, assersuutigalugu soraarnerussutisianut kontonut aamma inatsisit malillugit isumaginninnermut siunertalinnut aallaqqaasiutinut.

Ataatsimut kontomik pigisaqarnermi illua-tungiusut tamarmik 100.000 euro tungaanut matussuserneqassapput. Pappialat nalillit aningaaseriviup akiliisinnaajunnaarnermi tunniunneqassapput, Garantiformuen inummut ataatsimut 20.000 euro (150.000 kr.) tungaanut annaasat matussusissavai.

Garantiformuen matussusinngilai qularnaveeqqutinut neriorsuutit, checkit aamma ass. aktiaatit, aningaasaateqarnermut uppernarsaatit, qularnaveeqqutinut uppernarsaatit aamma obligationit, nammineq aningaaserivimmit atsiorneqarsimasut.

Immikkut ittumik aningaaserivimmiittuutinut aallaqqaasiutit 1. januar 2020 sioqqullugu ikineqarsimasut killeqanngitsumik matussuserneqassapput, ullormiillu tassanngaanniik aallartittumik aallaqqaasiutit aallaqqaasiuteqartumut ataatsimut EUR 100.000-inik matussuserneqarlutik.

Immikkut ittumik aningaaserivimmiittuutitnut ilaapput ass. inatsisilerituuni sullitanut kontot aamma aallaqqaasiutit ingerlatsivimmi immikkoortortami ingerlanneqartut.