Nanoq-konto periarfissaavoq ileqqaakkaat illumut, inuussutissarsiornermut imaluunniit ilinniarnissamut atussagukkit iluaqutaasumik erniaalersugaq. Ileqqaariaatsimut piumasaqaatit suunersut ataani atuakkit.

Illutaarnissamut ileqqaarneq

Illutaarnissamut ileqqaakkat Kalaallit Nunaanni makkununnga atorneqarsinnaapput:

• Namminerisamik inissannik sanatitsinermut pisinermulluunniit, aamma piginneqatigiilluni inissiamut.
• Inissiamik attartornissamut qularnaveeqqutit imaluunniit siumut akiliutissanut (amerlanerpaamilli qaammatini 3-ni ineqarnermut akiliutit).
• Allamik initaarnermut atatillugu iggavimmi uffarfimmillu maskiinanik atortussanik, pequtinik natersuarnik pisinermut (pinnagit TV/Radio).

Inuussutissarsiornermut ileqqaarneq

Inuussutissarsiornermut ileqqaakkat makkununnga atorneqarsinnaapput:

• Kalaallit Nunaanni namminersorluni suliffeqarfimmi pilersitsissagaanni, namminerisamik pigisatut isumalluutitut pigisat 40.000 kr. sinnersimappatigit (namminerisamik biilerisat ilanngunnagit).
• Kalaallit Nunaanni inuussutissarsiornikkut suliffeqarfinni piginneqatigiissutinik aktianik aamma anpartinik pisinernut (GrønlandsBANKEN aktiaatai minillugit). 

Ilinniagaqarnissamut ileqqaarneq

Ilinniarnissamut ileqqaakkat makkununnga atorneqarsinnaapput:

• Kalaallit Nunaanni imaluunniit nunani allani ilinniarnermut. Ilinniarnermi eqqarsaatigineqarput ”ilinniarnerit” meqqaat atuarfiata avataaniittut kingornaniittullu (10. klasse naammassereersimassaaq), sivikinnerpaamik ukiumik ataatsimik sivisussuseqartussatut naatsorsuutigisaasut. Tassani apeqqutaanngilaq ilinniartoq ilinniagaqarneriuteqarnersoq, ilinniarnermini akissarsisarnersoq

Erniat

Erniat atuuttut, akit, maleruagassallu www.banken.gl –imi takusinnaavatit.

Ileqqaakkat inatsisitigut aalajangersakkani siunertat arlaannut atorukkit erniaanut akigititaq akileraaruteqanngitsoq pissarsiarissavat kiisalu Kalaallit Nunaanni Namminersorlutik Oqartussanit erniaanut tapiissutigineqartut akileraaruteqanngitsut.