Piujuartitsinermut allanngortitsineq – Kalaallit Nunaannut iluaqutaasumik

Aningaasaliisarnermi aaqqiissutip imarisinnaavaa annerusumik minnerusummilluunniit piujuartitsinermik eqqarsaateqarneq kiisalu piujuartitsinissamut anguniakkat.

Aningaasaliisarnermut suliaqarfimmi piujuartitsinermik paasinnittaaseq sukkasuumik ineriartorpoq. Piujuartitsineq qanoq isumaqartinneripput ataatsimut paasinninnissamik qulakkeerinninniarluta, paasissutissiinermut qupperneq una suliaraarput.

FN-ip nunarsuarmi anguniagai

FN-ip nunarsuarmi anguniagai 17-it siunertaraat nunarsuarmi ajornartorsiutit annerpaat ilaasa 2030 tikitsinnagu iluarsinissaannut saannissaq. Nunarsuarmi anguniakkanik ukkatarineqarpoq, anguniakkat, silap pissusianut, naligiissitaanermut, inuiaqatigiinnut, naalagaaffinnut, NGO-nut il.il. tunngasut angunssaat pillugit kattuffiit qanoq tapeeqataasinnaanersut.

Silap pissusiata allanngoriartornera aamma EU-mi anguniakkat

Suliffeqarfiit piujuartitsinermut allanngortitsinermut anguniakkanik arlalinnik EU nassuiaavoq. Anguniagaavoq EU 2050-imi silap pissusianut kalluunnaveersaassasoq, aningaasaliinerillu tamatumunnga tapiisinnaapput.

Piujuartitsinissamut aningaasaliinerit silap pissusianut, CO2-mik annertuallaamik pissuteqartumik, silaannarmik mingutsitsinermik kinguneqartumut annertuumik ukkatarinnipput. Tamatuma kinguneraa silaannaap kissatsikkiartornera. CO2-mik aniatitsineq nunarsuarmi øko-systemi aaqqinniarlugu pisariaqarpoq. Ajornartorsiutaavoq CO2-mik aniatitsivallaartoqarpat, kissatsinnermik pilersitsisup, silaannarmut aserorsaanera.

ESG

Aningaasaliiguit, suliffeqarfiup avatangiisinik, isumaginninnermi pissutsinik isumaginninnera aamma suliffeqarfimmi pitsaasumik ingerlatsinera isumaliutersuutigisinnaavat – aamma ESG-mik taaneqartartoq. Assersuutigalugu ingerlatseqatigiiffiit naligiinngisitsinermik akiuiniarnermik tapersersuisuusinnaapput imaluunniit suliffeqarfeqarfimmi isumaginninnikkut pissutsinik siuarsaasuusinnaallutik. Aamma pinngortitamik uumassusilinnillu iluarseeqqinnermut attassinermullu peqataalluni nukissamik ataavartumik aningaasaliinerusinnaavoq imaluunniit aningaasaqarnikkut suliaqarnerusinnaalluni.

Sunniutit pitsaanngitsut

Suliffeqarfiit tamarmik inuiaqatigiinnut sunniuteqartarput, tamatumani silap pissusianut, avatangiisinut, inuiaqatigiinnut akisussaaffimmut aamma suliffeqarfiit ataasiakkaat qanoq aalajangiinersut eqqarsaatigalugit.

Ass. suliffeqarfiup mingutsitsineranik, CO2-mik aniatitsineranik imaluunniit naligiissitaanermut, piitsuunermik akiuiniarnermut imaluunniit atorfimmi ileqqorlunnermut ukkatarinninnginneranik pissuteqartumik annertunerusumik annikinnerusumilluunniit pitsaanngitsumik sunniutaasinnaavoq.

Piujuartitsinermut allanngortitsineq – ataatsimut akisussaaffik

Piffissami sivikitsumi annikinnerusumik piujuartitsisut aningaasaliinerit ilaat pitsaanerpaamik iluanaaruteqaataasinnaapput, isumaliutersuutigineqassaarli tamanna suna tamaat akigalugu kissaatigineqarnersoq. Misissuinerit takutippaat aningaasaliinerit, siunissami piujuartitsinermik ukkatarinninnerusut, piffissami sivisunerusumi aningaasaliinikkut nukittunerusartut.

Aningaasaliisarnermut periusissiaq immikkoortunik assigiinngitsorpassuarnik imaqarpoq, aningaasaliinippit ataatsimut inernerisaanut sunniuteqartunik, ass. piffissaq, aarlerinaatit, iluanaaruteqarnissamut ilimanaatit kiisalu piujuartitsineq eqqarsaatigalugit.  

Aningaasaateqarfik qussummik ilisarnaatilik (svanemærket)

Aningaasaateqarfik qussummik ilisarnaatilittut imminut taasinnaavoq, piumasaqaatit pinngitsoorneqarsinnaanngitsut 25-it naammassigunigit. Taakku ass. tassaasinnaapput suliffeqarfinnik, sakkussanik akuerisaasunik tupanillu tunisinermit, ikummatissanik nunap iluani sinnikunik (aamaarutissat, uulia, aamma gassi) kiisalu uranimik piiaanikkut, sukuluiakkanik imaluunniit nukissiornermik kaaviiaartitat 5%-ii sinnerlugit kaaviiaartitaqartunik atuinngitsunut.

Paasissutissat annertunerusut

Paasissutissanik annertunerusunik pisariaqartitsiguit, ataani suleqatigisatta nittartagaani paasisaqarnerusinnaavutit.

Suleqatigut

Bæredygtighedpræferencer - BankInvest

bankinvest.dk/baeredygtighed/

enverdentilforskel.dk/

sparinvest.dk/baeredygtig-investering/

Ansvarlig investering | Tænk ansvarligt (ansvarlig-investering.nu)