Aningaasaliinissamut pissutissat pitsaasut pingasut

 

1. Iluanaaruteqarnissamut pitsaanerusumik periarfissaqassaatit
Oqaluttuarisaaneq eqqarsaatigalugu aktianut pappialanullu aningaasanut nalilinnut (obligationit) aningaasaliineq iluanaarutaasarsimavoq. Qulaani titartagaliussami ass. takuneqarsinnaavoq Bankinvestimit akunnattumik aarlerinaatitalimmik aningaasaliineq, piffissami 100 %-imik iluanaaruteqartitsisimasoq.
Innersuussutigisarparput aktianut aamma pappialanut aningaasanut nalilinnut katiterilluni aningaasaliisoqassasoq – kiisalu annertoorujussuarmik aarlerinaatinik siammarterisoqassasoq. Pingaaruteqarluinnarporli aningaasaliinissamut aaqqiissut illit aningaasaqarninnut annaasaqarsinnaanermut piareersimaninnut naleqqussarneqassasoq. Innersuussutigaarput, annaasaqarsinnaanermut piareersimanerit aningaasaliinermut siunnersortit peqatigalugu oqallisigineqassasoq.


2. Ileqqaakkatit aningaasat naleerukkiartornerannut illersorsinnaavatit
Ileqqaakkat piffissap ingerlanerani naleerukkiartussapput, tamanna titartagaliussap naqqani takuneqarsinnaavoq. Aningaasat naleerukkiartornerat ileqqaakkannut sunniuteqassaaq, aningaasaliiguit aningaasaliinngikkuilluunniit. Ileqqaakkatilli pappialanut nalilinnut aningaasaliissutiginerisigut, imminut periarfississaatit aningaasat naleerukkiartornerannit annertunerusumik iluanaaruteqarnissamut.

3. Ernianik negativiusunik pinngitsoortitsineq
Ileqqaakkatit aningaaserivimmi uninngatiinnassagukkit ilinnut akeqarsinnaavoq, erniat maannakkut negativiummata.
Taamaattumik isumassarsiatsialaasinnaavoq, erniat negativiusut pinngitsoortinniarlugit aningaasaatit aningaasaliissutiginissaat. Oqaatigineqassaarli aningaasaliinermut atatillugu aningaasartuuteqartoqarsinnaallunilu aarlerinaateqarmat.
GrønlandsBANKEN-imi aningaasaativit aningaasaliissutiginissaannut ikiussavatsigit.

 

Immikkoortortaqarfiit uani takukkit

70 1234

Nassaarisigut


Illoqarfiup sulisulluunniit aqqanik ujaasigit.

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9:30 - 15.00

;