Inummut paasissutissanik suliaqartarneq pillugu sullitanut paasissutissiineq

GrønlandsBANKEN-ip kissaatigaa, aningaaseriviup inummut paasissutissanik suliaqartariaasia sullitatta toqqissisimaffigissagaat. Suliaqarfiup immikkoortumut malittarisassai malippagut, IT-systeminillu illit inuttut paasissutissannik eqqortumik suliaqarnissamut qulakkeerinnittunik atuilluta.

Kissaatigaarput danskit aningaaseriviinni sullitat naligalugit, sullitatta inummut paasissutissaannik illersuinissaq. Illit sullitatut, aningaaseriviup Niueqatigiinnermi Piumasaqaatai Nalinginnaasuni tamanna paasisaqarfiginerusinnaavat, tassani inummt paasissutissannik suliaqarnermut atatillugu illit pisinnaatitaaffitit nassuiarpagut.

Kalaallit Nunaanni paasissutissanik illersuinissaq pillugu inatsisip Danmarkimi paasissutissanik illersuinissaq pillugu inatsit (GDPR) assigeqqissanngilaa, immikkoortut pingasut nassaaraagut, inummut paasissutissanik suliaqarnermi GrønlandsBANKEN-ip Danmarkimi aningaaserivinnit assigiinngissutai:

1. Paasissutissat pillugit unioqqutitsineq.
   Paasissutissat pillugit unioqqutitsineq pisarpoq, sullitamut paasissutissat, ajutoortoqarnerani eqqunngitsumik suliarineqarsimatillugit. Paasissutissat pillugit unioqqutitsineq paasigutsigu, suliaq Danmarkimi aningaaserivinni suliarineqartarneratut suliarisarparput: Paasissutissat pillugit unioqqutitsisoqarnera sullitamut ilisimatitsissutigissavarput, taamalu kukkusoqarnissaanik pinaveersaartitsisussanik aaqqiissuteqassalluta. Aningaaserivilli paasissutissat pillugit unioqqutitsineq pillugu Datatilsynimut nalunaarutinik nassiusseqqusaanngilaq, taakku inatsisitigut tunngavissaqanngimmata nalunaarut suliarissallugu.
   
   
2. Akiliisitsissutit.
   Datatilsynet periarfissaqanngilaq GrønlandsBANKEN akileeqqussallugu, illit sullitatut inummut paasissutissannik suliaqarnermut atatillugu pisinnaatitaaffinnik unioqqutitsineranut atatillugu.
   
   
3. Pisortani oqartussaasunut attaveqateqarneq.
   Danskit oqartussaasuinut atatillugu aqqutit isumannaatsut atorpagut kiisalu mailinik isumannaatsunik tigusinermut nassiussinermullu atatillugu malittarisassanik malinnilluta. Kalaallit Nunaanni oqartussaasunut atatillugu, Kalaallit Nunaanni oqartussaasut ilitsersuutaat uatsinnut aalajangersaataasut malippagut.

Qulaani allassimasut pillugit apeqqutissaqaruit, uunga saaffiginninnissamut tikilluaqqusaavutit: DPO@banken.gl

• Inummut paasissutissat pillugit
• Niuernermi piumasaqaatit naliginnaasut