Atugassarititaasut taakku peqqissaartumik atuakkit. banken.gl taamaallaat atugassarititaasut ataani allassimasut tunngavigalugit atortaruk.

Nittartakkamiipput paasissutissat makku:
GrønlandsBANKEN
Imaneq 33, Postboks 1033
3900 Nuuk
Atassuteqarfissaq: banken@banken.gl

Banken.gl-ip imarisai Kalaallit Nunaannut attuumassuteqarput, allanik erseqqissaataasunik allassimasoqanngippat.

Banken.gl-ip imarisai taamaallaat paasissutissaapput sullitanillu ataasiakkaanik siunnersuinertut paasineqartussaanatik.

lllit nammineerlutit siunnersorneqarnissat kissaatigigukku siunnersuisartut atassuteqarfigissavat. Link-i una atorlugu siunnersuisartut nassaarisinnaavat. Aningaaseriviup telefonip normua +299 70 1234 aamma atassuteqarfigisinnaavat.

Paasissutissat banken.gl-imiittut akisussaaffiillu killingi Aningaasanik niuerfiit siunissami ineriartornissaat pillugit naliliinerit, taqamueriaanerit inassutigisallu banken.gl-imiittut tamarmik taamaallaat aningaaseriviup ilimagisaasut isigineqassapput. Taamaattumillu niuerfiit tamakkununnga naapertuuttumik ineriartorsinnaanerat aningaaseriviup akisussaaffiginngilaa. Taamaattumillu aamma atuisartup inassutinik, taqamueriaanernik naliliinernillu banken.gl-imiittunik malinnikkumalluni aalajangernermigut annaasaqaratarsinnaanera GrønlandsBANK-ip akisussaaffiginngilaa.

Paasissutissat paasissutissarvinneersut
GrønlandsBANKi sapinngisaminik paasissutissanik eqqortunik ingerlateqqinniartarpoq taamaattumillu paasissutissarsiviit uagut uppernartutut isigisagut kisiisa atortarpagut. Paasissutissalli eqqortuunngissinnaasut amigaateqarsinnaasullu aningaaseriviup paasissutissarsivinnit avataaneersunit pissarsiarisai GrønlandsBANK-ip akisussaaffiginngilai. Taamatullu aamma naqinnerliugaasinnaasut banken.gl-imiittut aningaaserivuup tunuarsimaarfigai.

Teknik-ikkut kukkunerit
Teknik-ikkut kukkusoqarneratigut ilaatigut inaallagiaaruttoornikkut immaqaluunniit aningaaseriviup serveriinut isersinnaajunnaarnikkut, teknikikkut atortorissaarutit suleqatigiissinnaajunnaarnerisigut data-nik ajoqusertoqarneratigut, aningaaseriviup innaallagissamik pilersorneqarnerata attaveqatigiinnermulluunniit atortut kipisoorneratigut annaasat ajoqusernerillu GrønlandsBANKEN-ip akisussaaffiginngilai.

Pisussaanngitsunik isertoqarnera
Taamatuttaaq banken.gl aqqutigalugu atuisartup inuulluunniit allap data-nut pisussaanngisunik isertoqarneratigut (phishing, hacking il.il.) annaasat ajoqusiinerillu GrønlandsBANK-ip akisussaaffiginngilai. Taamatullu aamma atuisartup banken.gl-imik atuinermini browsing, download assigisaalluunniit atorlugit ingerlatsisilluni computeriata viruseqarneratigut ajoqusiinerusinnaasunut aningaaserivik akisussaatinneqarsinnaanngilaq.

Piginnittussaatitaaneq nioqqutissallu ilisarnaataat
GrønlandsBANKi banken.gl-ip imarisaanut copyright-eqarlunilu piginnittussaaitaavoq. Aningaaserivik allakkatigut akuersissuteqarsimatinnagu banken.gl-ip imarisai ingerlateqqinneqassanngillat, assilineqassanngillat, takutinneqassanngillat, tunniunneqassanngillat, tamanut saqqummiunneqassanngillat allatulluunniit atorneqassanngillat. GrønlandsBANK-illi atuisoq pisinnaatippaa paasissutissat banken.gl-imiittut nammineq atugassamisut iluanaarniutitullu atugassarinngisamisut downloaderlugillu assilinissaannut.

Banken.gl-illi ilisarnaataa aningaaserivik allakkatigut akuersissuteqareersimatinnagu ingerlateqqinneqassanngilaq, assilineqassanngilaq, saqqummiunneqassanngilaq, tunniunneqassanngilaq imaluunniit tamanut ammasumik saqqummiunneqassanngilaq.

Nittartakkanut allanut links-it
Banken.gl nittartakkanut inunnit allanit ingerlanneqartunut links-inik imaqarpoq. Links-it tamakku taamaallaat illit paasissutissattut ilanngunneqarsimapput taakkulu imaat GrønlandsBANK-ip akisussaaffiginngilai

Banken.gl.imut links-it
GrønlandsBANKip akuersissutaanik peqanngikkaluarluni banken.gl-imut link-ilertoqarsinnaavoq. Taamaattumik quppernernut sunut imaluunniit sunut tunngatillugu link-ilertoqarnersoq aningaaseriviup akisussaaffiginngilaa.

Naatsorsuinerit
Banken.gl-imi kukkunernut naatsorsunngitsuukkanulluunniit GrønlandsBANKi akisussaaffeqanngilaq. Naatsorsukkat tamakku tunngavigalugittunngavigalugit iliuuseqarnikkut annaasarineqarsinnaasunut GrønlandsBANKi akisussaaffeqanngilaq.

Illersuinerit inatsisinillu qinersinerit
Banken.gl-ip imai pillugit saqitsaassutit sullissinerillu tamakkununnga attuumassuteqartut Kalaallit Nunaanni eqqartuussisarnermut tunngasumik aalajangiiffigineqassapput taamalu Kalaallit Nunaanni eqqartuussivimmi suliarineqassallutik.

Banken.gl-imik atuinermi piumasaqaatinik atugassarititaasunillu allannguinerit
GrønlandsBANKi quppernerup uumap naleqqussartarnera aqqutigalugu banken.gl-imi atuisartunut atugassarititaaasunik sukkulluunniit allannguisarnissamut imminut pisinnaatippoq. Taamaattumik illit atugassarititaasut akuttunngisumik atuaqqillattaasariaqarpatit.


Cookies-imik toqquisarneq pillugu paasissutissat
Cookie tekst-fil-iuvoq mikisoq, nittartagarpassuit illit computerit atorneraniit atoqqinnissaanut ilisarisinnaajumallugu atortagaat. Cookie virus-inik siaruarterisinnaanngilaq paasissutissanillu inummut tunngasunik cookie-mi toqqorsimasoqartanngilaq.

Illit banken-gl-imut pulaaraangavit paasissutissat tamakku uagut katersortapagut.

* Quppernerit suut qangalu illit alakkarpigit

* Browseri suna atorpiuk

* Skærmoplysning suna atorpiuk

* Operativsystem suna atorpiuk

* Banken.gl-imut isinngitsiarninni nittartagaq sorleq isersimaffigaajuk

* IP-adresset sunaava

* Suna java version-eraajuk

Cookies-it piiarsinnaavatit siunissamilu atorujumajunnaarsinnaallugit. Browsererpit Internet-iani cookies indstillinginik allatut ittunik qinersisinnaavutit websites-inullu, cookies-inik blokeriissutigisannut banken.gl ilanngussinnaallugu.

Browserit cookies-inik banken.gl-imiittunik blokeriitikkukku ilisimassavat nittartakkap atortuisa ilai atuutinngimmata.

Cookies-inik itigartitsinak piiaanalluunniit banken.gl-imut iseruit uagut cookies-inik atuinerput akuerissavat.

Banken.gl aqqutigalugu atassuteqarfigineqarnissannik qinnuteqaruit mail-imilluunniit uagutsinnut nassiussiguit atit, mail-adressit, telefuunit aamma/imaluunniit cpr-nr-it oqaatigissavat. Paasissutissat tamakku uagut saaffiginnissutivit suliaralugulu akinissaanut atussavagut. Taamaalioreerutta paaasissutissat piiassavagut.

Saqqummiunneqarpoq 18. juli 2012.