Naqinnernik ilisarsisinnaannginneq aamma meeqqat inuusuttuaqqallu atuarniarnermik unammillernartoqartut pillugit suliniutinut tunngasumik saqqummiisoqarneranut peqataagit

Atuaqatigiit 7-10%-ii nalinginnaasumik atuarniarnermik unammillernartoqarlutillu naqinnernik ilisarinnissinnaanngitsuusinnaapput. Meeqqat taakku qanoq ilikkarluarnerullutillu atuarnissaminnut piumassuseqarnerulersinnaappat? Meeqqat inuusuttuaqqallu atuarniarnermik unammillernartoqarnerannut naqinnernilluunniit ilisarinnissinnaannginnerannut suna peqqutaava? Qarasaasiaqarnikkut iluaqutissat ilikkarniarnermut piumassuseqarnissamullu qanoq iluaqutaasinnaappat? Angajoqqaat ilinniartitsisullu meeqqatik/atuartuutitik siusissumik neriuuteqalerseqqinnissaannut piumassuseqaleqqinnissaannullu qanoq paasilluarnerullugillu ikiorluarnerusinnaavaat?

Thomas Mose aamma Mikael Højbjerg Ordblindetræning-imeersut saqqummiissapput. Taakku sapaatip-akunneri tamaasa angajoqqaarpassuit, ilinniartitsisorpassuit atuarfippassuillu naqinnernik ilisarinnissinnaannginnermik suliaqarnermi ilisimasanik sakkussanillu pisariaqartitsisunik ikiuillutillu naqinnernik ilisarinnissinnaanngitsut ilikkarnissaminnut pitsaanerpaamik tunngavissaqarnissaat tamanit akisussaaffigineqarnerannik paasinnilluarnerunissaq qulakkeertarpaat. Uani paasisaqarnerugit:  www.ordblindetraening.dk

Saqqummiinermi nunatsinni suliat aalajangersimasut ilanngunneqassapput.

Soqutiginnittunut tamanut, ass. angajoqqaanut, ilinniartitsisunut, atuarnermut ilitsersuisunut atuartitsinermilu siunnersortinut il.il. saqqummiisoqassaaq.

Saqqummiineq danskisut ingerlanneqassaaq.

Piffissaq: Marlunngorneq januaarip 23-at nal. 19.00-21.00

Sumiiffik: GrønlandsBANKENip nerisarfia, Imaneq 33, 3900 Nuuk

Aningaasaliisut: Suliffeqarfiit kattuffiillu naqinnernik ilisarinnissinnaannginneq-dysleksi pillugu ilisimasaqarnerulernissamik suliniummut aningaasaliisimasut tamaasa qutsavigaagut: Arctic Logo, BankNordik, EB Transport, GrønlandsBANKEN, Modulo, Nic’s VVS, Nuuk Internationale Friskole, Ejendomsselskabet Posthuset A/S, Kamik allallu.