GrønlandsBANKEN aaqqissuussamik aningaasaliisarnikkut suliaqarfittut pingaarutilittut inissisimalerpoq (SIFI)

Finanstilsynip GrønlandsBANKEN Kalaallit Nunaanni aaqqissuussamik aningaasaliisarnikkut suliaqarfittut pingaarutilittut (SIFI) inissisimalertussatut toqqarpaa. Danmarkimi inuussutissarsiornermut ministerip aningaasaatinik toqqortaqartarfinnut (SIFI-bufferinut) piumasaqaatit aalajangersortarpai tassanilu aningaasat nalillit pillugit killiliuttakkat  GrønlandsBANKENip qaangeqqavai allaat ukiuni marlunni tulleriinni Kalaallit Nunaanni SIFI-tut inissisimalertussatut toqqarneqarsinnaalersimalluni.

Finanstilsynip uppernarsarsinnaavaa aningaasanik nalilinnik toqqorsiviusinnaasutut piukkunnaatinit pingasuusunit marluk Grønlandsbankenip suli qaangeqqagai (GrønlandsBANKENip Kalaallit Nunaani taarsigassarsiartittakkami tamarmiusut 50 pct.-ii sinnerlugit toqqortaritissinnaagai. Tamatuma saniatigut Kalaallit Nunaanni aningaaseriviit Kalaallit Nunaanni aningaasaatigisartagaasa tamarmiusut 50 pct.-ii sinnerlugit GrønlandsBANKENimi aningaasaatigineqartut). Tassunga tunngaviupput GrønlandsBANKENip 2018-imut ukiumoortumik naatsorsuutai.

Nassuiaat itisilerutaasoq pappiaqqani uppernarsaatini atuarneqarsinnaavoq uani