GrønlandsBANKEN imminut pisussaaffilerluni pituttornikuuvoq avatangiisinik mianerinninneq sulinermini tamatigut niuernerpalaartumik aammalu inuiaqatigiit tungaanut isumatuumik ilannguttassallugu. Avatangiisit pillugit sulinerput iluaqutaassaaq sulisutsinnut, sullittakkatsinnut, piginneqatigisatsinnut aammalu inuiaqatigiinnut siammasissumik isigalugu.

Taamaattumik ilaatigut neqeroorutigaagut taarsigassarsisitsissutit marluusut: Nutarsaaneq, angerlarsimaffiit imal. suliffeqarfiit nukissamik atuinikinninngorsarlugit iluarsaanissaannut atasumik taarsigassarsiffiusinnaasoq aammalu Minguik Biilinik ikummatissatortuunngitsunik biilisiumasunut naatsorsuussaasoq (Energi klasse A-nik).

GrønlandsBANKENimi ilusilerniarlugu suliaraarput taasarput isumatuumik avatangiisit pillugit aqutsineq (strategisk miljøledelse). Tamanna ingerlapparput nukissanik atuinerit tamatumunngalu aningaasartuutit apparsarumallugit aammalu CO2mik aniatitsinerit millisarumallugit.

Assersuutigalugu 2014imi Maniitsumi, Aasianni aammalu Nuummi immikkoortortaqarfigut batteriinik seqernup qinngorneranik immertartunik ikkussuiffigaagut saniatigullu CSRip ataani avatangiisit minguitsuunissaannik suleqatigiiffimmi Clean Greenland – Clean Companiesimi suleqataavugut.