Kontoni immikkut ittuni arlalinni Jyske Bankip negativimik ernianik akiliisitsineranut Danmarkimi atuisunut ombudsmandip eqqartuussivimmut sassaqquaa

Atuisunut ombudsmanip 13. september 2023-mi Jyske Bank eqqartuussivimmut sassaqquaa, kissaatigigamiuk Jyske Bank kontoni uninngasuuteqarfiusuni aalajangersimasuni ernianik negativiusunik akiliisitsinerminut pisariaqartunik tunngaveqarsimanersoq misissorneqassasoq. Atuisunut ombudsmandip eqqartuussivimmut sassaqqusinerani taamaallaat ilaapput kontot arlallit, nuussinissamut imaluunniit tigusiffiginissaanut ajornarsinnaasut. Taamaattumillu nalinginnaasumik kontot akissarsiffiusartut, budgetkontot, nalinginnaasumik kontot sipaarfiusut il.il. uninngasuutinik ajornannginnerusumik nuussiffiusinnaasut sassaqqusinermi pineqanngimmata.

Grønlandsbankenip suliaq qanimut malinnaaffigaa, kiisalu qallunaat eqqartuussiviisa aalajangiinissaa utaqqillugu. Grønlandsbankenip aamma Danmarkimi eqqartuussiviit aalajangiinissaat malissallugu aalajangernikuuvoq, aalajangiineq Kalaallit Nunaanni inatsisitigut pituttuinngikkaluartoq.