GrønlandsBANKEN | Imaneq 33 | Postboks 1033 | 3900 Nuuk | Telefon + 299 70 1234 | banken@banken.gl | SWIFT: GRENGLGX | CVR: 80050410
Maannakkut GrønlandsBANKEN-i Finanstilsynet-mit tikeraartoqarpoq. Nalunaarsusiat uani takukkit Nittartakkamut malittarisassat paasissutissalluatuakkit.
- MitID taamaallaat ilinnit atorneqassaaq allanneqartussaananilu. Atsiornikkut ilisarnaat taamaallaat suleriaatsimut atatillugu atortassavat.
- Qulakkeeruk taamaallaat illit nammineq nuussinerit isumaginikuusatit MitID-kkut akuerisarnissai.
- Suleriaatsimi isersimatillutit pc-iit qimanngisaannassavat.
- Ilisimalerukkut imaluunniit pasitsaakkukku MitID kodia toqqortat allat paaseriataaraat, isissutigisartakkat piaarnerpaamik matussavat. Taama iliorsinnaavutit suleriaatsimi tuugassaq ’Spærring af bruger’ atorlugu.
- Qarasaasiat ilisimanngisatit mianersuutigissavatit. Imaassinnaavoq programminik ikkussuisoqarsimasoq, soorlu naqitikkannik immiussisinnaasut, taamaalillunilu atuisutut normunnik atsiornikkulllu ilisarnaatinnik pissarsiarinnittut.
- Internet-ikkut programmit Internet-ikkullu attaviliisut tutsuiginartuinnaat atortassavatit.
- Browserinik sanasut malittarisassatut suliarisimasaat malikkit.
- Browserivit suleriaatsinut nutaanerpaanut nutartertarnissaa isumagissavat kiisalu isumannaallisaatitut iluarsisat nutaanerpaat atorlugit nutarterneqarnissaa isumagalugu.
- Isumagissavat pc atukkat antivirus programmimik illersorneqarnissaa. Programmi akuttunngitsunik nutartertassavat – pitsaassaaq sapaatit akunneranut ataasiartumik – taamaalilluni akornusersuutinut nutaanut illersorneqartuassaatit. Antivirusprogrammit Internet-ikkut allakkanik aallertarninni imminut isumagisumik virus-inik misissuisussanngorlugu iluarsissavat.
- Taamattaaq pc-iit firewall-imik ikkussuiffigissavat. Firewall tassaavoq qarasaasianut iserniartartunut illersuut kiisalu virus-it ilaannut illersuut, soorlu virus-it ”qullugissanik” taasartagaanni naammattuinnissinnaalluni. Qullugissat programmiutinni isumannaallisaanikkut iluarsisimanngisat suli ilisimaneqanngitsut atornerluttarpaat.
