Ataatsimeersuarneq aningaaseriviup pisortaasa qullersarivaat, tassanilu aktiaatillit – aningaaserivimmi piginneqataasutut – taasisinnaatitaarnertik atorsinnaavaat. Ukiut tamaasa GrønlandsBANKENi aprili naatinnagu nalinginnaasumik ataatsimeersuartarpoq. Ataatsimeersuarneq nalinginnaasoq kingulleq 26. marts 2025 ingerlanneqarpoq. Ataatsimeersuarnermi imaqarniliaq quppernerup naqqani takuneqarsinnaavoq.

Ataatsimeersuarneq nalinginnaasoq sapaatit akunneri pingasut tallimallu missaat sioqqullugu Nasdaq OMX Copenhagenikkut kiisalu nittartakkatsinni tamanut saqqummiunneqarpoq. . GrønlandsBANKEN-imi piginneqataasuuguit ataatsimeersuaarnermi peqataasinnaavutit, qinersisinnaavutit aamma ataatsimeersuaarnermi nammineq peqataasinnaanngikkuit allat qinersinissaanut piginnaassuseqartilersinnavatit. Aktiaatilittut ataatsimeersuarnermut nalinginnaasumut peqataarusukkuit ataatsimeersuarnermut aggeqqusissut nassiunneqareersimappat InvestorPortalen aqqutigalugu nalunaassaatit.

Ataatsimeersuaarnermi qinersiniaruit ataatsimeersuaarnermi peqataassaatit immaqaluunniit ataatsimeersuaarneq sioqqullugu qinersillutit. Aktiat pigisatit amerlassusai aallaavigalugit qinersisinnaavutit, ulloq taanna nalunaarnermi allaqqasut aallaavigalugit, tassa ataatsimeersuaarneq sapaatip akunnera sioqqullugu pigisatit aallaavigalugit. Aktia ataaseq, qinersineq ataatsimik naleqarpoq.