GrønlandsBANKENip MasterCard Business-ia suliffeqarfinnut immikkutatugassiaavoq, timmisartukkut angalanissanut, neriniartarfinniinnernut taxarnernullu akiliutitut atorneqarsinnaasoq. Suliffeqarfittut MasterCard sulisunut angalakulasunut iluaqutaasumik inniminnersinnaavat.

Kortimik nakkutiginninneq ajornaatsuuvoq, atuisimanerit Netbank aqqutigalugu malinnaaffigiuarsinnaagakkit.

MasterCard atorlugu nunarsuaq tamakkerlugu sumiiffinni 29 mio. sinneqartuni pisiniarsinnaavutit. Nunatsinniinnaq Danmarkimiinnarlu pisiniarfissuarni, neriniartarfinni pisiniarfinni tuusintilikkaani korti atorsinnaavat soorunami aamma net-ikkut.

MasterCard Debit kortip iluaqutigaa, aningaasat kontonni uninngasut sinnerlugit atuisinnaannginnavit. Aningaasat ingerlaannartumik kontonnit ilanngaatigineqartassapput, taamaalillutit akiliutigisimasatit malinnaaffigiuarsinnaallugit. Kortimut atatillugu akiitsortoqasinnaanngilaq.

GrønlandsBANKENip Debit kortit makku neqeroorutigai:

• Business Debit Standard
• Business Debit Guld

MasterCard Kredit kort atorlugu ullut 42-t angullugit erniaaqanngitsumik akiitsorsinnaavutit.

GrønlandsBANKENip Kredit kortit assigiinngitsut makku neqeroorutigai:

• Business Kredit Standard
• Business Kredit Guld
• Business Kredit Platinum

Debit kort aamma Kredit kortimut atasumik sillimmasiissutit arlallit ilanngunneqarput (korti qanoq ittoq toqqarsimanerit apeqqutaalluni), inuinnartut angalanerni suliffimmullu atatillugu angalanernut ullut 60-t angullugit sivisussuseqartunut matussusiisartut. Sillimmasiinerni kortimik pigisaqartup saniatigut katissimasaq/aapparisaq kiisalu qitornat 21-t inorlugit ukiullit angalaqataasut matussuserneqartarput.

Neriniartarfiit pisiniarfiillu arlallit isumaqatigiissuterqarfigineqarsimapput, taamaalilluni MasterCard atorlugu akiliigaanni akikilliliiffigineqarneq anguneqarsinnaalluni.

MasterCard Guld-imut aamma Platinum-imut sillimmasiinermut uppernarsaat tuluttut oqaasertalik

Nunamut isissutissatut akuerineqaqqaarfissamut angalassaguit sillimmasiinermut uppernarsaammik tuluttut oqaasertalimmik suliarinnitsitsinissat inassutiqaarput. Sillimmasiinermut uppernarsaat allakkatigut ilinnut nassiunneqassaaq imaluunnit toqqaannartumik ilinnut tunniunneqassalluni. Uppernarsaat mail-ikkut nassiunneqarsinnaanngilaq. Taamaattumik aallarnissat sioqqulluarlugu siunnersuisartuit attaveqarfiginissaa pisariaqarpoq.

Kortit pillugit aaliangersakkat:
» Mastercard Erhverv Debit Standard
» Mastercard Erhverv Debit Guld
» Mastercard Erhverv Kredit Standard
» Mastercard Erhverv Kredit Guld
» Mastercard Erhverv Kredit Platinum

Kortinut tamanut atuuttut:
» Uani sillimmasiinermi aaliangersakkat takusinnaavatit (qallunaatut)
» Kort til rabatter og fordele (qallunaatut)

Pisinissamut periarfissat
» Mastercard-imut atasumik sillimmasiissutinik pisinissamut periarfissat

MasterCard Debit kortimut akit
» Grønlandsk og Dansk

MasterCard Kredit kortimut akit
» Qallunaatut

Ajutoornermi:
» Ajoqusernermi sillimmasiisarfik attaveqarfigissavat ajutoornermilu nalunaarutiginninneq immersorlugu (qallunaatut)
SOS International: +45 7010 5050