Piujuartitsisumut ikaarsaarnissaq suliffeqarfiup tamarmi eqqumaffigisariaqarpaa, taamaattumik sulisugut, piginnaasaqarfimminnut tulluarsagaasumik piujuartitsineq pillugu ilinniartinneqarnikuupput.

Ilinniarneq
Inuussutissarsiornermi siunnersortit, aningaasaliisarnermi siunnersortit, pisortaqarfimmi sulisut aamma siulersuisut akornanni piujuartitsineq pillugu piginnaasat qaffassarnissaat pingaarnersiorsimavarput.

Piujuartitsinerup isumaata paasinissaa aalajangiisuusutut isigaarput, akisussaaffimmillu tigusivugut qulakkeerniarlugu, sulisutta immikkoortumi tassani nukittuumik piginnaasaqarnissaat.

Suleqatigiinnerit
Piujuartitsinermi pilersaarutit nikisinniarlugit suleqatigiinnernik pilersitsinerit pingaarnersiorpagut.

DGNB
DTU, Namminersorlutik Oqartussat, Rambøll Grønland, EMJ Atcon, Inuplan aamma tnt nuuk suleqatigaagut nunatsinni DGNB-mik uppernarsaammik aaqqissuussineq qulakkeerniarlugu. 

DGNB sunaana?
DGNB attaveqatigiinnermik tunngaveqartumik aaqqissuussineruvoq non-profit-iusoq, Tysklandimi pilersinneqarnikoq. Aaqqissuussinerup piujuartitsilluni sanaartornermut uppernarsaammik aaqqissuussineq ineriartortissimavaa, tamannalu nunanut arlalinnut siaruarsimavoq.
Nunani assigiinngitsuni tunngaviit taakku, aaqqissuussinerli assigiinngitsoq atuuppoq.
Aaqqissuussineq najukkami pissutsinut tulluarsarneqartarpoq, taamaasillunilu Kalaallit Nunaanni DGNB nunatsinnut pissutsinut tulluarsarneqassalluni.

Imaaliorsinnaavutit
Piujuartitsiffiusumik aningaasaliisinnaavutit. Piujuartitsilluni aningaasaliineq pillugu uani paasisaqarnerugit.

Konto ileqqaarfik neqeroorutigaarput, tassani periarfissaqassaatit qaffasinnerusumik ernianik pissarsissallutit, ileqqaakkatit tulliuttunut atorukkit:

• Nukimmik sipaarfiusumik inigisamik iluarsartuussineq aamma nukimmik katersissutinik atajuartitsisunik nutaanik ikkussineq imaluunniit biilimik energiklasse A-mik pisineq. Uani paasisaqarnerugit. 

Aamma ukununnga taarsigassarsisinnaavutit:

• Nukimmik sipaarfiusumik inigisamik iluarsartuussineq aamma nukimmik katersissutinik atajuartitsisunik nutaanik ikkussineq pisineq. Uani paasisaqarnerugit. 
• Biilinik energiklasse A-mik pisineq. Uani paasisaqarnerugit. 

Inuiaqatigiinni akisussaaqataanermik suliaqarneq
Aningaaserivik ukiut qulit sinnerlugit inuiaqatigiinni akisussaaqataanermik suliaqarpoq, tamatumani ataani allassimasut ukkataralugit.

Uani paasisaqarfiginerusinnaavat.

• Aningaasaqarnermik paasisimasaqarneq
• Tikikkuminassuseq
• Inooqataanermi aamma kajumissutsimik aallussineq