Kalaallit Nunaanni aningaaseriviit annerpaartaattut kiisalu Kalaallit Nunaanni inuiaqatigiit ineriartorneranni qitiusumik suliaqartutut pisussaaffeqarpugut inuiaqatigiit ineriartornerannut aamma piujuartitsinermut tapersiissalluta.

Takorluugaraarput Kalaallit Nunaannut iluaqutaanissaq, soorunami tassunga ilaavoq siunissaq piujuartitsiffiusoq ukkatarinissaa.

Tamatumunnga ilaapput avatangiisinik mianerinninneq, inoqatigiinni akisussaassuseq aamma suliffeqarfittut pitsaasumik pissusilersorneq, aamma ESG-tut ilisimaneqartoq (Environment, Social, Governance).

Inuiaqatigiinni akisussaassutsip iluani aaqqissuussamik suliaqarnermut ukiut qulit sinnerlugit atorsimavagut. Inuiaqatigiinni akisussaassuseq pillugu Nassuiaanerit suliarinikuusagut uani nassaarisinnaavatit.

Grønlandsbankenip tapersersorlugillu malippai: 
FN Global Compact
Piujuartitsilluni ineriartortitsinermi FN-ip nunarsuarmi anguniagai
Parisimi isumaqatigiissut  

Grønlandsbanken ukunani ilaasortaavoq:
CSR Greenland 
Transparency International Greenland

FN-ip nunarsuarmi anguniagai
Nunarsuarmi anguniakkat aalajangersimasut, sunniuteqaqataaffigerusutagut toqqarsimavagut, taakkulu pingaarnernut tulliuttunullu immikkoortunut immikkoortinneqarput

Pingaarnerit
Ilinniartitaaneq pitsaassusilik
Suliffiit naapertuuttut aningaasarsiornikkullu siuariartorneq
Suleqatigiinnikkut anguniagaqarneq

Tulliuttut
Inoqarfiit piujuartitsiffiusut
Piujuartitsilluni nukissiorneq
Piitsuussuseq nungutillugu