GrønlandsBANKEN | Imaneq 33 | Postboks 1033 | 3900 Nuuk | Telefon + 299 70 1234 | banken@banken.gl | SWIFT: GRENGLGX | CVR: 80050410
Maannakkut GrønlandsBANKEN-i Finanstilsynet-mit tikeraartoqarpoq. Nalunaarsusiat uani takukkit Nittartakkamut malittarisassat paasissutissalluatuakkit.
13. oktobarip 2023
GrønlandsBANKEN aamma TAAK - VM-imi assammik arsarnermi pissartanngorniunnermut atatillugu aningaasaliinissamut isumaqatigiipput
GrønlandsBANKENip TAAK-llu oqaluttuarisaanermi aappassaanik arnat nunanut allanut unammisartut VM-imi assammik arsarnermi peqataanissaannut atatillugu aningaasaliinermut isumaqatigiissuteqarnertik nalunaarutigissallugu nuannaarutigaat. Taamatut suleqatigiinnissamik isumaqatigiinneq pissangartoq Kalaallit Nunaanni assammik arsarnermut nukittorsaataassaaq taamaaliornikkullu pisussaq immikkuullarissoq nunatsinnut tamarmut malunnartinneqassalluni.
Aningaasaliinissamut isumaqatigiissut aqqutigalugu GrønlandsBANKENip inuiaqatigiinnut pingaartitsinini timersornerullu ineriartorneranut tapersersuinini naqissuserpaa. TAAK-mi aningaasaliinernut akisussaasoq, Eqalunnguaq Abel Kristiansen ima oqarpoq.
“GrønlandsBANKENip suleqatiginera nuannaarutigaarput. Assammik arsarnermut tapersiineratigut nunarput ataatsimoortinnerulerparput tulluusimaarnermillu ataqatigiinnermillu pilersitsivoq. VM-imi pissartanngorniunnermi Kalaallit Nunaat sinnerlugu unamminissatsinnut qilanaarpugut GrønlandsBANKENillu tapersersuineranut qujarusuppugut.”
Peter Fleischer Rex-ip, GrønlandsBANKENimi attaveqatigiinnermut nittarsaassinermullu pisortap suleqatigiinnertik aamma nuannaarutigaa:
“Pisut taamaattut nunatsinni ataatsimuulersitsisut annertuunillu anguniagaqaqatigiinnissamut kajumilersitsisut tapersersornissaat tulluusimaarutigaarput. Assammik arsarlutik arnat nunanut allanut unammisartut VM-imi pissartanngorniunnissaannut ingerlalluarnissaannik kissaappavut. Kalaallit Nunaanni inuit tamarmik isiginnaarutikkut malinnaassapput qularutiginngilarpullu unammisartut nunarput sinnerlugu tulluusimaarlutik nukittullutillu unammiumaartut. ”
GrønlandsBANKENip TAAK-llu suleqatigiinnissartik qilanaaraat kaammattuutigalugulu nunatsinni kikkut tamarmik arnat assammik arsarlutik nunanut allanut unammisartut VM-imi pissartanngorniunnissaannut tapersersussagaat.
Paasisaqarnerorusukkuit, attavigiuk:
Peter Fleischer Rex
Attaveqatigiinnermut nittarsaassinermullu pisortaq
34 78 72
Tilbage
