Kalaallit Nunaata tamarmiusup ANINGAASERIVIATA 2019 tikillugu B67 nutaamik isumaqatugiissuteqarfigivaa. Taamatut pisoqarneratigut Nuummi sulorartartut peqatigiiffiat ingerlalluartoq, kingullermillu nunatsinni pissartanngorniuttoqarmat 15-inik guultinnattoq, 12-inik sølvinnattoq 9-nillu bronzinnattoq, aningaseriviup ukiuni marlunni suli suleqatigeqqilissavaa.

- Nunatta Tamarmiusup ANINGAASERIVIANIT nuannaarutigaarput peqatigiiffik B67-itut ingerlalluartuusoq aningaasaliiffigalugu suleqatigisinnaagatsigu. Kingullermillu nunatsinni pissartanngorniuuttoqarmat B67-ip takuteqqippaa Nuummut medaljenik amerlasuunik suli pissarsissussisinnaasuunini. Tamatumalu saniatigut sulorarnermi meeqqat inuusuttullu ineriartortinneqarnissaat peqatigiiffimmit assut soqutigineqarluni aalluneqartuuvoq, Aningaaseriviup Nuummi immikkoortortaqarfianii piortaagallartoq Yvonne Kyed oqarpoq.

Anni Damgaardip B67 Badmintonimi siulittaasuusup isumaqatigiissuteqarneq nuannaarutigivaa nalilerlugu tamanna peqatigiiffiup sulilluarneranik nersorinninnermik tunngaveqartoq.

- Amerlanngitsunik peqatigiiffimmi sungiusaasoqarpugut aqutsisoqarlutalu allanngujaatsumik sulisunik, tamakkulu isumaqatigiissuteqarnikkut tuimikkut pattalarneqarneqarnerattut tiguarput. Suleqaqatigeeqqinnissaq qilanaarivarput, isumaqatigiissuteqarnikkut suli pitsaanerusumik nangissinnaanngoratsigu peqatigiiffitsinni  ilasortatta inersimasut meeqqallu ineriartortinnissaat, Anni Damgaard oqarpoq.

Anni Damgaardip naatsorsuutigivaa, suli ukiuni aggersuni peqatigiiffik nunatsinni siammasissumik sulorarnermi nuimasutut inissisimajumaartoq.

Taamak ilisumik GrønlandsBANKENip ilisarnaataa  ”Appa” B67-imi unammisartut aqutsisullu tamarmiusut atisaasa tunuini ilisarnaataaginnassaaq.