Anders Brønsip ulloq 7. december 2018-imi toqunerani eqqaaniut.

Anders Brøns toqusimasoq GrønlandsBANKimit tusaratsigu tupaqaagut aliatysaqalutalu.

Anders Brøns 1985-imiit toqussi tikillugu siullermik Nunabankimi kingornalu GrønlandsBANKIMI siulersuisunut ilaassortaasimavoq. Anders Brøns taamaalilluni ukiunit 33-nit ikinnerunngitsunik Kalaallit Nunaanni aniingaaserivinni aqutsisuni pingaarnertut inuttaasarsimavoq taamaalillunilu taakku oqaluttuarisaanerisa annersaanni. Anders Brøns GrønlandsBANKip oqaluttuarisaanerani ilaaginnarsimanngilaq, kisiannili aningaaseriviup ineriartornerani tunngaviusimalluni taamaalillunilu Kalaallit Nunaanni namminersortumik aningaaseriveqarnissaata qulakkeernissaanut tunngaviulluartut ilagisimallugu.

Anders aningaaseriviup siulersuisuini angutaasimavoq inuussutissarsiutinik aallutaqartoq naallu qinigaaffinni naggataasumik ilaagaluarluni suliamisut paasisimasaqarluarnini amigaatigisimanngilaa. Andersip aaqqissuussat, politikkit malittarisassallu amerlasoorpassuit siulersuisuni sulinermini ilaalluinnalersimasut pitsaasumik uummateqarluni iluariallaartarsimanngikkaluarpai. Inuuvoq angut iliuuseqarumatooq qulakkeerutaasarlunilu aningaaseriviup ineriartornerata, niuerfiunerata oqaluuserisassat siunertaqarluarluni oqaloqatigiissutigisarnissaasa patajaatsumik sammiveqartinneqartarnissaannut anguniagaqartuartoq aningaaseriviullu siunertaata Kalaallit Nunaannut iluaqutaanissaa Andersip anersaaqarfigilluartarsimavaa. Siulersuisuni eqqaamaneqassaaq inuussutissarsiutigut inuiaqatigiinnullu paasisimasaqarluarnermigut minnerunngitsumillu suliaq aalisarnermik inuussutissarsiuteqarnermut taassumalu ineriartortinneqarneranut tunngassuteqaraangat aalajaalluinnartuusarsimammat.

Polar Seafoodip pilersinneqarneranut suliffeqarfiillu namminersortut Kalaallit Nunaanni iluatsilluarnerpaartaasa ineriartorinnerannut tunngatillugu silarsuarmi tamarmi Anders Brøns eqqaamaneqassaaq. Anders piginnittullu aqqutsisullu allat ukiut 30-t sinnerlugit nunani tamalaami suliffeqarfiit Kalallit Nunannit aallaavillit pilersitarisimavaa. Ineriartornerup Kalallit Nunaannut naleqassusia ingasaallugu nalilerneqarsinnaanngilaq.

Kisianni aamma Anders angutitut ataqqinassusilittut pisunillu tamanik ataatsimoortillugit isiginnissaasutut tamatumunngalu peqatigitillugu ataatsimoorfissatut nukittuutut, inuinnartullu pissuseqarnermigut eqqaamaneqassaaq. Naak Anders piginneqataagaluarluni niuerfillu miliartilinnik kaaviiaartitaqartumik aqutsisuugaluarluni aamma eqqissisimasumik qiimasutullu tupinnaannartumillu peqatigalugu nuannersuuvoq. Ilaquttani ikinngutinilu ilagissallugit nuannarai, tassalu ilaquttat ikinngutillu ilagisarneranni, wormsiugaluarpat, pinialunnerugaluarpat arsaattoqaraluarpalluunniit inuuvoq eqqissisimaartoq. Qanigisaminut inoorusussusermullu kajungerneq annertuumik uummateqarfigigaa uani malugisassaasarpoq.

Anders Brøns GrønlandsBANKimi Kalallit Nunaannilu inuussutissarsiutini eqqaamaneqassaaq inuttut niuertutut siumut isigisutut, ataqqinassusilittut, ilakkuminartutut peqatigitillugulu inuttut ilorrisimaaqatigisinnaasatullu aamma eqqaamaneqassaaq. Annaasaq maqaasinerlu Gittemut ilaqutaanullu angissaqaaq uagullu allat Andersip peerunnerata nammanniarnissaa ajornakusuussaqaaq.

Anders Brøns’ ip eqqaaneqarnera ataqqinartuuli.

Martin Kviesgaard
Bankdirektør, GrønlandsBANKEN