Aningaaserivittut immikkut pisussaaffigaarput inuiaqatigiinnut kalaallinut aningaaserinerup suuneranik paasisaqarnerulersitsinissaq. Qularutiginngilarput aningaasaqarniarnermut tunngasunik ilisimasaqarneq annertusiartortillugu siunissaq ungasinnerusoq isigalugu atugarliornikkut ajornartorsiutit ikiorsersinnaassallugit aammalu atugarissaarneq qaffassaaqataaffigisinnaassallugu.

Taasat tunngavigalugit 2014imi saqqummersipparput ilinnartitsinermi atugassiaq Qassit.gl tunngaviusumik atuarfimmi 8.-10. klasseniittunik matematikimik inuiaqatigiinnilu pissutsinik sammisaqarnerni ikorfartuutissaq.

Aammattaaq GrønlandsBANKEN ammatitsiuartarpoq ulluunera paaqqinnittarfiit atuarfimmiluunniit klassit pulaarniaraangata soorluli aamma nunatsinni ilinniartoqarfiit pulaaraangata aningaasaqarniarnermut tunngasut sammineqartartut:

• Qanoq aningaasartuutissat aqunneqassappat?
• Qanoq iliorluni paasiniarneqarsinnaava qaammammut aningaasat qassit aningaasartuutigisinnaanerlugit?
• Qanoq ililluni snescooteritaarusukkaanni ileqqaarisoqarsinnaava imal. efterskolemut atuariartorumalluni qanoq katersisoqarsinnaava?