Sulisuit siunissaanut aningaasaliineq
Soraarnerussutisiat suliffeqarfiup akiligaanik aaqqissuussineq aningaasatiguinnaanngitsoq iluaqutaavoq – akisussaassuseqarnermilli isumatusaarnermillu takussutissaalluarpoq. Grønlandsbankimi suliffeqarfiit ikiortarpagut soraarnerussutisianut tunngatillugu toqqissisimanartunik pilerinartunillu aaqqiinissatsinnut, sulisunut suliffeqarfiullu ilisimaneqarneranut iluaqutaasunik.
Suliffeqarfiit sulisutillu naleqarnerulersikkit
Illit sulisitsisutut soraarnerussutisianik aaqqiinissamik neqerooruteqaruit sulisuit siunissami toqqissisimanissaannik aningaasaliissaatit. Ullutsinni tulluartumik sulisoqarnermut politikkimut pingaarutilittut inissisimavoq sulisunillu pikkorissunik pissarsiornissamut sulisoriinnarnissaannullu iluaqutaasinnaalluni.
Soraarnerussutisianut tunngasunik neqerooruteqarpugut suliffeqarfivit pisariaqartitaanut naleqqussarsinnaasunik – suliffeqarfiup angissusia sulerisuuneralu apeqqutaatinnagit. Soraarnerussutisiat, sillimmasiinerit ileqqaarinerillu ataqatigiilluartumik inissinnissaat suleqatigiissutigissavagut.
Suliffeqarfiup akiligaanik soraarnerussutisiaqartitsinerup iluaqutissartai:
• Sulisut naammagisimaarinninnerusut tunniusimanerusullu
• Suliffeqarfimmut sulisumullu akileraartarnikkut iluaqutissat
• Napparsimanermi toqusoqarneranilu sillimmasiinermik ilanngussinissamut periarfissat
• Suliamut ilisimasaqarluartumit siunnersortinneq malinnaavigineqarnerlu
Suleqatigisaq tatiginartoq
Grønlandsbankimi aalajangersimasumik siunnersorteqassaatit illit suliffeqarfiutinnik sulisuillu pisariaqartitaannik ilisimaarinnittumik. Soraarnerussutisianut tunngatillugu aaqqiinerup tamanut ammasuunissaa, paasiuminartuunissaa aqukkuminarnissaalu uagut isumagissavarput – ilinnut sulisitsisutut taamatuttaaq illit sulisunnut.