Imaaliussaasi

1. Air Greenlandimut nalunaaritsi

Air Greenlandip tuniniaavia attavigisiuk nalunaarnermullu normumik pillusi (group@airgreenland.gl/tlf. +299 38 22 73). Nalunaarneq akeqanngilaq.

2. GrønlandsBANKENimi atuaqatigiit angalanerannut kontumik pilersitsigitsi

Angalanissamut nalunaarnersi GrønlandsBANKEN-imukaassiuk (banken@banken.gl/tlf. +299 70 1234), tassanilu atuaqatigiit angalanerannut kontumik pitsaasunik ernialinnik ileqqaarfissassinnik kontuliornermi ikiorneqassaasi.

3. Ileqqaarit

Aningaasamininnguit kattullutik amerlasoorsuanngortarput. Atuaqatigiit tamakkerlutik qaammammut nakkartitsilaartarpata ukiualuit ingerlaneranni aningaasarpassuanngussapput. 
Aamma soorlu katersuiniarnerup kingorna aningaasanik amerlanerusunik kontumut ikisisinnaavusi.

4. Sumukarnissarsi aalajangiussiuk 

Atuaqatigiittut angalanissinni sumukarniarnersi sunillu takusaqarlusilu ilikkagaqarusunnersusi pillugu ilinniartitsisorsi oqaloqatigisiuk.

5. Angalanissarsi inniminnersiuk

Angalanissarsi ukiunik marlunnik sioqqullugu Air Greenlandimut inniminnersinnaavarsi (group@airgreenland.gl/tlf. +299 38 22 73). Ilisimariissavarsi sumukarniarnersusi qassillu ilaanissaat naatsorsuutiginerissi.

Taamaalillusi aki tamarmiusoq paasisinnaalerussiuk qassinik ileqqaartariaqarnersusi nalussanngilarsi. Atuaqatigiit siumut inniminniissunnerat akeqanngilaq.

6. Akiliineq

Angalanissamut qaammataannanngornissaata tungaanut akiliisinnaavusi. Akiliitinnasi misissussavarsi aqqit tamarmik eqqortuunersut tamarmillu angalanissamut piareersimanersut. 

GrønlandsBANKENimi siunnersortersi attavigisiuk (banken@banken.gl/tlf. +299 70 1234), taassuma ileqqaakkassinnik angalanerup akilernissaa isumagissavaa. Air Greenlandip booking uppernarsagaq nassiutissavaa uppernarsaatitut atugassarsi. Tassalu angalanissassinnut piareerpusi.

» GrønlandsBANKENip attaviginissaanut paasissutissat ammasarfiilu

70 1234

Nassaarisigut


Illoqarfiup sulisulluunniit aqqanik ujaasigit.

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9:30 - 15.00

;