Corona pillugu pisut peqqutigalugit aningaaseriviup innersuutigaa piginneqataasut ataatsimeersuaarnermi takkullutik peqataassanngitsut.

Piginneqataasutut/pisinnaatitaaffeqartutut ataatsimeersuaarnermut isissutissaqarlututit peqataasinnaavutit, tuniluussinnaanerlu peqqutigalugu innersuutigaarput aggerlutik peqataasussat ikinnerpaaffianiissasut.

Ajoraluartumik ataatsimeersuaarnissaq kinguartinnissaa immaqaluunniit unitsiinnarnissaa periarfissaanngilaq, tamanna inatsisitigut malittarisassat aamma piffissaliussat tungaatigut pituttoqqammat, ilaatigut ukiumoortumik nalunaarusiaq tunniunnissaa pissaaq, naak corona-mik pisoqartoqaraluarluni.

Aningaaseriviup aammattaaq suliniutigivaa ataatsimeersuaarnissaq inunnik ikinnerpaanik peqataasoqartillugu ingerlassasoq, siulersuisullu oqalugiaataa nittartakkamut ilineqarumaarpoq. Ataatsimeersuaarneq qarasaasiatigut live-mik takutissinnaanngilarput atortugissaarutigut periarfissaqannginnatta.

Piginneqataasutut suli pisinnaatitaaffeqartitsineq suli tunniussimanngikkukku, suli periarfissaqarputit ulloq una tungaanut 20-03-2020 (allakkatigut qinersisinnaavutit una ulloq tungaanut 24-03-2020 nal. 16.00). Immersugassat nittartakkatsinni nassaarisinnaavatit www.banken.gl immaqaluunniit qarasaasiakkut Investorportalen aqqutigalugu www.vp.dk/gf

Aningaaserivimmiit fondsbørsmeddelelse-ni ersippoq ima ullulikkami 17-03-2020 GrønlandsBANKEN-ip siulersuisui qinersinissamut pisinnaatitaaffik tigusimagaat, taakkulu piginneqataasut 31,36 pct.-pput.

Neriuutigaarput aningaaserivik taamak tuniluunneq pinaveersartinniarlugu iliornera paasisinnaassagit.