Swipp 28. februar atorunnaassaaq

Swipp 28. februar atorunnaassaaq, taamaalillutik ulloq taanna killigalugu suliffeqarfiit, kattuffiit, inuillu Swipp atorlugu akiliisinnaajunnaarlutillu, aningaasanik nassinneqarsinnaajunnaassapput.
Aningaaseriviit Swipp-imik aallartitsisut MobilePay atulerniarpaat, uagullu aamma akileeriaaseq taanna atulerniarlugu pimoorussilluta suliniarpugut. Kalaallit Nunaanni teknikkikkut unammilligassat pissutaallutik, atuutilersitsiniarneq pisariuneruvoq, tamannalu MobilePay-ip maanna aaqqiissuteqarfiginiarlugu sulissutigaa. Maannalu ajuusaarutigaaarput suli oqaatigisinnaannginnatsigu MobilePay-ip Kalaallit Nunaanni qaqugu atulersinnaanissaa. Soorunami uggoraarput aningaaseriviit allat Swipp-ip atorunnaanissaa tapersersorsimammassuk, Kalaallit Nunaannimi Swipp akiliinermi atussallugu iluarineqaraluaqimmat.
Sullitagut digitalimik akiliisinnasikkusullugit, akiliinermi platformi My Wallet atulersipparput, taannalu pisiniarfinni toqqaannartumik akiliiffiusinnaasuni – soorlu Brugsenimi aamma Kop & Kandemi atprneqarsinnaavoq. App’i maanna Android-imik atuisut aammalu Master Card-illit atorsinnaavaat.
My Wallet-imi periarfissat annertunerusumik paasisaqarfigerusukkukkit takukkit uani.
Saaffiginninniartut tamarmik uunga saaffiginnissapput oqarasuaat: 70 1234 mail-imulluunniit banken@banken.gl