2017-ip upernaani allartittumik GrønlandsBANKEN e-boks-innut digital-iusumik allagarsiassannik nassitsinerusalissaaq. Tamatumunnga peqqutaavoq allakkanik nassitsinermi akit qaffannerat. E-Boks-innut allakkat nassiuppata, taakku sukkanerusumik pisariinnerusumillu tigusalissavatit.

Aap, allakkat digital-imik tigusalernissaannut qujavunga
Immikkut iliuuseqartariaqanngilatit. Tassami 31. marts 2017 tikitsinnagu tusarfiginngikkutsigit, taava Netbank e-Boks-iluunniit aqqutigalugit GrønlandsBANKEN-imit allagarsiassatit tigusalissavatit. Netbank aamma e-Boks atugareriinngikkukkit, taava atuisussanngorlutit taakkununnga nalunaarutiginnissaagut.

Digital-imik allagarsisarnissamut qujaannarlunga naggaarpunga
Kissaatiginngikkukku e-Boks-ikkut allagarsiassannik tigusisarnissaq, taava 31. marts 2017-iutinnagu oqarasuaatikkut 70 1234-ikkut imal. banken@banken.gl – ikkut allaffigaluta taamatut tigusisarnissaq kissaatiginagu nalunaarfigissavatsigut. Taamatut ilioruit eqqaamassavat nalunaarutigissagakkit inuttut normut, mobil-ivit /angerlarsimaffinni oqarasuaativit normui, aamma ilanngussinnaavat e-mail-ivit adressia.

e-Boks
e-Boks-ip atorneratigut aningaasaqarninnut atatillugu uppernarsaatit tamaasa ataatsimoortilissavatit. Taava aamma qarasaasiap sulinissaa inississinnaalissavat e-mail-ikkut nalunaarfigineqartartussanngorlutit, e-Boks-ikkut allagarsiassaqaraangavit. Suut pappialanngorlugit pigerusutatit anillatsillugit naqissinnaavatit aammalu aningaasaqarninnut tunngasut pillugit elektronisk-iusumik toqqorteriviuliorsinnaallutit Netbank-imut aamma e-Boks-imut isertassaatit www.banken.gl/netbank aqqutigalugu. Tassani taava NemID atorlugu (tassa ilinnut NemID-p atornissaanut normuliussat matuersaatissallu atorlugit), allakkat ilinnut nassiunneqartut takusassavatit.

NemID-mik pisimanngikkuit, taava 70 1234-imut sianerlutit imal. banken@banken.gl allallutit saaffigissavatisigut.
Netbank-imik e-Boks-imillu atuisalerniarlutit nalunaarsortikkuit, taava GrønlandsBANKEN peqatigalugu pappialanik atuinikinnerulernikkut avatangiisit mianerinerullugit ingerlalissaatit.