Systeminik matusigallarnissat

Arfininngorneq, sapaat aammalu pingasunngorneq aningaaseriviup IT-qarnikkut sullississutaasa aqutsisui nutarterneqassapput, taamaammallu makku sunnerneqartussaassapput Netbank, automatit aammalu kortit akiliutit. Systemit tamakkiisumik ilaannakuusumilluunniit ulluni 29. juni nal. 00.00 aammalu 30. juni nal. 02.00 atorunnaarsinneqarallarlutik matuneqassapput. Taamallu iliornerit annertunerpaamik neriniartarfiit allatullu unnukkut unnuakkullu ammasartut eqqortussaassavaat.
Aammalu pingasunngorneq 3. juli IT-qarnikkut sullississutaasa aqutsisui nutarterneqassapput 00.00-02.00 tungaanut. 

Qarasaasiaqarfiup BEC-ip nutarterineq pilersippaa. BEC qallunaat nunaanni aningaaseriviit qarasaasialerivigaat qitiusoq GrønlandsBANKEN-ilu tassunga atavoq.Taamaattumik piffissaq nutarteriffiusoq uagut sullitatsinnut qallunaat nunaanni aningaaserivinnisulli naleqquppallaanngilaq.

Ataani takuneqarsinnaapput piffissat taaneqartut iluini matusinerit aningaasanut tunngasunik ingerlatitsiniarnernut qanoq sunniuteqartussaassasut:

Netbank Mobilbankilu aamma piffissani taaneqartuni atorsinnaanavianngillat nal. 00.00 - 02.00