Eqqumiitsuliortoq misilittagaqarluartoq, Buuti Pedersen Nuummi GrønlandsBANKENimi saqqummersitsinerminik ammaanersiussaaq 2. februar nal. kl 16.30-18.00. Saqqummersinneqartut Kalaallit Nunaanni Danmark-imilu pinngortitanik avatangiiserisanik aallaaveqarput. Qalipakkat piviusorpalaartut, Buutip nammineq imatut oqaasertaligai:

”Qalipagassannik isumassarsiortarnera nunatsnni Danmark-imilu pinngortitanersuusarput. Nuannarisuuavarami pinngortitat avatangiiserisakka akuleriiarlugit qalipaasarneq.”

Naallu Buutip qalipagai nikerartuugaluarlutik, tamarmik aallaavigivaat piviusunut qanittuliaanertik. Tamannalu aallutarisimavaa 1986-imili eqqumiitsuliortutut aallartikkami.

”Nunattta Kujataaneersuuvunga, eqqumiitsuliornermillu soqutiginnilerama aallaavigivara Qaqortup eqqarisaani pinngortitaq. Kingusinnerusukkulli ineriartornera siammasinnerulerpoq, 2014-imi Danmark-imut nuukkama, tssa Danmark-imi pinngortitamik qalipaaneq aamma sammilerakku. Taamallu ilillutik Kalaallit Nunaanni Danmark-imilu pinngortitatut avatangiisikka suleqatigiissutut ilerput.”

Buutip eqqumiitsuliortutut CV-ani ilaatigut ilaapput Københavnimi Skolen for Brugskunst-imi atuarsimanera (1982 – 86) aammalu Eqqumiitsuliortut kattuuffianni KIMIK-mi ilaasortaanera. Immikkut kisimiilluni saqqummersitsisarsimavoq 13-eriarluni. Ullumikkut Buuti ilaquttanilu Danmark-imi nunattalu kujataani najugaqartarput.