Imaanngilaq ukiumut nalunaarummi kisitsisit kisimik GrønlandsBANKEN-imut atatillugu 2015-imi naammaginartunik takutitsiviusimasut. Tassami GrønlandsBANKEN-ip 2015-imi inuiaqatigiinni akisussaaqataalluni sulinera pillugu nassuiaasiami saqqummeqqammersumi aamma atuarneqarsinnaam-mat aningaaserivimmi sulisuusut siorna taamaallaat aningaaseriviup niuernermik suliaqarneranik siuarsaallutik tunniusimallutik sulisimanngitsut aammali inuiaqatigiinni akisussaaqataasumik sulinerani aamma nammaqataalluarsimasut.

Nassuiaammi takuneqarsinnaavoq sulisorpassuit ikiuullutik sulisarnerat malunnarluartumik annertusisimasoq aningaaseriviup taaneqartutut sulisinnaanermut akunnerit tunniuttagai atorlugit. Siornami GrønlandsBANKEN-ip akunnerit pineqartumut illikartitai 1.135-iusut qimmorlugit taakku 134,5%-i atorneqarsimapput, akunninngorlugit 1.527-iusut.

Akunnerit taaneqartut iluini akunnerit 300-ut sinnerlugit Arctic Winter Games 2016-imut atorneqarsimap-put:

- GrønlandsBANKEN-imi assaat ikiuukkumasut ulapputeqataanerat Arctic Winter Games-ertitsinissamut pingaaruteqarluinnartuupput, tassanimi pisariaqartinneqarmata immineq kajumissutsiminnik suleqataasinnaasut 1.700-uusut. Taamatullu pisoqarnera assersuutaalluarpoq Kalaallit Nunaanni suliffeqarfiit, ingerlatseqatigiiffiit allallu akuleriaarlutik suleqataalluarnerannut, siunissami tigumminnaassallugu inuiaqatigiinnut iluatinnaateqaqisumik taamaalluta kingumut qiviarsinnaalerutta Arctic Winter Games iluatsilluartumik nammassisimallugu.

Aningaaseriviup inuiaqatigiinni immineq piumassutsimik suleqataanerani piffissaq ungasinerusoq isigalugu anguniagaq tassaavoq GrønlandsBANKEN-imi katillugit akunnerit suliffiusut 1%-iisa taamatut ittunut atorneqartarnissaat. Siunnerfik naleqartoq ukiumut akunnernik 2.000-init amerlanerusunik.