Kalaallit Nunaata tamakkiisup aningaaserivia GrønlandsBANKEN ukiut tallimat atuuttussamik NSPmik isumaqatigiissusiornermigut aningaasalersuisuni siuttunngorpoq.

Isumaqatigiissut ukioq 2019 tikillugu atuuppoq taamallu iliornikkut ujakkaartartut peqatigiiffiat ingerlatassanut amerlanerusunut ammassisivigineqarpoq.

- Nunatta tamakkiisup aningaaseriviatut nuannaarutigaarput illoqarfimmi peqatigiiffik eqeersimaartoq tapersersinnaaleratsigu. NSPmimi nammineq piumassutsiminnik sulisuussut ujakkaartarfinnut tikilluaqqungaarpaasi suingiusarniaruit Arctic Circle Racemi ilaanissaq siunertaralugu, teknikkit pitsaanerulersikkumallugu sungiusarniaruit imal. ilaquttatit ilagalugit aneersuarlutit sapaatikkut sisorarniaruit. Taaneqartutut suliumaneq tapersersorusoqaarput, GrønlandsBANKENip Nuummi immikkoortortaqarfiani pisortaq, Mads Andersen, oqarpoq.

Poul Petersen, NSPmi siulersuisuni siulittaasuusup nuannaarutigaa GrønlandsBANKENimik suleqateqalerneq.

- GrønlandsBANKEN pingaarnertut aningaasalersuisoralugu ukiumut pisussanik aasakkut ukiukkullu meeqqanik, inuusuttunik inersimasunillu cup-løbernissanut, firmat stafetsernissanut 2016imilu Arctic Winter Gamesernissamut sakkortuumik sungiusaanissanik immerlugu pilersaarusiarput pimoorussaasoq ernumanaatsumik ingerlassinnaalerparput sulilu annertusarsinnaalerlugu, Poul Petersen qiimmallassimaarluni oqaluppalaarpoq.
GrønlandsBANKENip aningaasaliisarnermut politikkia pillugu annertunerusumik paasisassarsiorsinnaavutit una aqqutigalugu: www.banken.gl

Annertunerusunik paasisaqarusukkuit saaffigisinnaavatit

• Avammut attaveqartarnermut ussassaarinermullu siunnersorti Ditte Vibe Petersen, GrønlandsBANKEN
  Oqarasuaat normu: 347879 / dvp@banken.gl
  
  
• Siulittaasoq Poul Petersen, Ujakkaartartut peqatigiiffiat NSP
  Oqarasuaat normu: 548817 / nsp@greennet.gl